Павлодарда жол апатынан екі адам зардап шекті

Павлодарда қала көшелерінің бірінде екі көліктің соқтығысуы салдарынан екі адам зардап шегіп, ауруханаға жеткізілді. Бұл туралы облыстық полиция департаментіне сілтеме жасаған KAZ.NUR.KZ хабарлайды.

Ведомствоның баспасөз қызметінің хабарлауынша, 21 шілдеде Жібек жолы көшесінің бойында Jac көлігінің жүргізушісі Mercedes-Benz көлігімен соқтығысқан.

"Жол апаты салдарынан Jac көлігінің екі жолаушысы ауруханаға жатқызылды", - деп хабарлады Павлодар облысы полиция департаменті өкілі.

Көліктер айып тұрағына қойылған. Тексеру жүріп жатыр.

Еске салсақ, 9 маусымда Ақтөбе – Астрахань тасжолында қайғылы жол апаты тіркелген еді. Таңғы уақытта, ауылға жақындап қалғанда жүргізушінің көзі ілініп кеткен. Оқиға кезінде екі адам көз жұмып, бір адам зардап шекті.

Мәтіннен қате тапсаңыз, бізге жазыңыз