Қарағанды ​маңында көлік тасжолдан шығып кетіп, аударылып қалды

Қарағанды облысында көлік аударылып, жол-көлік оқиғасы болды. Екі жолаушы ауруханаға жеткізілді, деп хабарлайды аймақтың полиция департаментіне сілтеме жасаған KAZ.NUR.KZ.

Облыстық полиция департаментінің баспасөз қызметінің хабаралуынша, 30 қыркүйекте таңғы сағат 8 шамасында Қарағанды-Дубовка тас жолында алдын ала мәлімет бойынша Chevrolet Cobalt көлігінің 19 жастағы жүргізушісі рульге ие бола алмай, аударылып кеткен.

Оқиға салдарынан екі жолаушы медициналық мекемеге жеткізілді.

Аталған факт полицияда тіркелді. Тиісті сараптамалар тағайындалды, оның қорытындысы бойынша процесуалдық шешім қабылданады.

Еске салсақ, бұған дейін "Алматы-Өскемен" тасжолында жүргізуші көлікті басқара алмай қалып, аударылып қалған еді. Салдарынан жүргізуші мен жолаушы оқиға орнында көз жұмды.

Мәтіннен қате тапсаңыз, бізге жазыңыз