Астана әуежайы маңында екі көлік соқтығысып қалды (видео)

Астанада Kia және Hyundai көліктері соқтығысып, соңғысының жүргізушісі ауруханаға жатқызылды. Бұл туралы KAZ.NUR.KZ хабарлайды.

Instagram-дағы Astana_brothers парақшасында апат салдары бейнеленген видео жарияланды. Жазбаның астындағы ақпаратқа сүйенсек, оқиға әуежай маңында болған. Кадрдан полиция көлігі мен жол апатына түскен екі көлікті көруге болады. Көліктердің бірі жол жиегінде жатыр. Екінші көліктің алдыңғы жағы қатты зақымдалған.

Жол апатына Астана қаласының патрульдік полиция полкі түсініктеме берді.

"Киа Cerato жүргізушісі Қабанбай батыр даңғылымен әуежайға қарай келе жатып, рульді басқара алмай, қарсы жолаққа шығып кетіп, Hyundai Elantra көлігімен соқтығысқан.

Соққының салдарынан Hyundai Elantra жарық бағанасына соғылып, жол жиегіне қарай сырғып кеткен. Hyundai Elantra жолаушысы ауруханаға жатқызылып, тексеру жүргізілуде", - деп түсіндірді полиция.

Мәтіннен қате тапсаңыз, бізге жазыңыз