Шымкентте жол апаты болып, екі көлікке зақым келді (видео)

14 қараша түнгі 1 шамасында Шымкентте Hyundai Elantra мен Toyota Camry көлігі жол апатына түсті. Бұл туралы Otyrar.kz хабарлайды.

Басылым мәліметіне сүйенсек, екі көлік те Рысқұлов көшесінің бойында Восток ықшамауданына қарай бара жатқан.

Алдын ала ақпарат бойынша, Hyundai Elantra жүргізушісі тежегішті басып үлгермей, алда келе жатқан Toyota Camry көлігіне соқтығысқан.

Салдарынан Toyota маркалы көлігі жиекке шығып кетіп, қоршаулар мен ағашқа соғылған. Абырой болғанда, ешкім жарақат алған жоқ. Тек көлік құралдарына айтарлықтай дәрежеде зақым келді.

Мәтіннен қате тапсаңыз, бізге жазыңыз