Қаза тапқандар бар: Жетісу облысында трактордың қатысуымен ірі жол апаты болды

Жетісу облысында Жарлыөзек ауылында МТЗ-80 тракторы жолда көлікпен соқтығысып, содан кейін инерция бойынша тағы бір көлікпен соқтығысу орын алған. Бұл туралы өңірлік полиция департаментіне сілтеме жасаған KAZ.NUR.KZ хабарлайды.

"Полиция Көксу ауданы Жарлыөзек ауылында болған жол-көлік оқиғасы бойынша сотқа дейінгі тергеп-тексеруді бастады. Алдын ала мәліметтер бойынша, МТЗ-80 тракторының жүргізушісі Volkswagen Passat көлігімен соқтығысып, содан кейін инерция бойынша Toyota Carina көлігімен тағы бір соқтығысу орын алған. Апат салдарынан екі жолаушы оқиға орнында қаза тапты, алты адам жарақат алып, ауруханаға жеткізілді", - делінген ресми хабарламада.

Полиция өкілдері көлік жүргізушілерін қыс мезгілінде жылдамдық режимін қатаң сақтап, көліктерді маусымдық пайдалану жағдайларына уақытында дайындауға үндеді.

Мәтіннен қате тапсаңыз, бізге жазыңыз