Түркістан облысында жол апатынан төрт адам қаза тапты (видео)

Түркістан облысындағы тасжолдардың бірінде жол-көлік апаты болып, салдарынан жеңіл көлік жүргізушісі мен оның үш жолаушысы қаза тапты. Бұл туралы облыстық полиция департаментіне сілтеме жасаған KAZ.NUR.KZ хабарлайды.

Ведомствоның Facebook-тегі ресми парақшасында жарияланған ақпаратқа сәйкес, полиция Түркістан облысы "Жетісай – Жібек Жолы" тасжолында 4 адам қаза тапқан жол көлік оқиғасы бойынша тергеу жүргізіп жатыр.

"Жол апаты "ВАЗ" маркалы автомобильдің "Вольво" жүк көлігімен соқтығысуы салдарынан болған. Оқиға болған жерде жүргізуші мен жеңіл автокөліктің үш жолаушысы қаза тапқан", - деп атап өтті Түркістан облысының полиция департаменті өкілдері.

Осы факт бойынша сотқа дейінгі тергеп-тексеру басталды, ведомство өкілдері барлық мән-жайды анықтауға бағытталған іс-шаралар жүргізіліп жатқанын мәлімдеді.

Полицейлер жүргізушілер мен жолаушыларды жол ережелерін қатаң сақтауға және облыс жолдарында мұқият болуға шақырады.

Мәтіннен қате тапсаңыз, бізге жазыңыз