"Барлығы көрсін": Ақтөбе облысында автобус жүргізушісінің іс-әрекеті видеоға түсіп қалды

Желі қолданушылары Ақтөбе мен Хромтау арасындағы тас жолда жол жүру ережелерін бірнеше рет бұзған автобус жүргізушісінің іс-әрекетіне наразы болды. Полиция департаменті құқықбұзушыны жауапқа тартуға уәде берді, деп хабарлайды KAZ.NUR.KZ.

Zello Aktobe Instagram-дағы парақшасында жергілікті тұрғындар жылдамдықты асырып, жолда төтенше жағдай туғызған автобус жүргізушісінің қауіпті көлік жүргізгені туралы хабарлады.

"Бүгін, 27.11.2024, Ақтөбе-Хромтау жолында рейстік автобус жол қозғалысы ережелерін бірнеше рет бұзып, жылдамдықты арттырып, апатты жағдай туғызды. Шығаруыңызға болады, бәрі көрсін. Такси жүргізушілері ғана қауіпті емес", - деп жазды оқырмандардың бірі.

Ақтөбе облысының полиция департаменті бұған жауап беріп, автобус жүргізушісі жауапқа тартылатынын хабарлады.

"Автобус жүргізушісі жауапкершілікке тартылады, сонымен қатар кәсіпорынның жүргізушілерімен профилактикалық әңгімелесу жүргізіледі", - деп түсіндірді департаментте.

Мәтіннен қате тапсаңыз, бізге жазыңыз