Шымкентте жол үстінде көлік жүргізушілері төбелесіп, бір адам жарақат алды (видео)

Шымкентте жол үстінде көлік жүргізушілері төбелесіп, бір адам жарақат алды. Қазір аталған жайтқа қатысты тергеу жұмыстары жүргізіліп жатыр, деп хабарлайды Polisia.kz.

Басылым мәліметінше, желіде Шымкент көшелерінің бірінде автокөлік жүргізушілерінің арасында туындаған жанжалдың бейнежазбасы тараған.

Бұл оқиғаға қатысты қалалық полиция департаментінің бастығы Нұрлан Алмасбеков түсініктеме берді. Оның айтуынша, жанжал салдарынан жүргізушілердің бірі дене жарақатын алған. Аталған жайт бойынша қылмыстық іс тіркелген. Қазіргі таңда тергеу әрекеттері жүргізіліп жатыр.

Осы ретте Нұрлан Алмасбеков азаматтардың қауіпсіздігін нығайту мақсатында кез келген зорлық-зомбылық үшін жауапкершілік күшейтілгенін, денсаулыққа қасақана жеңіл зиян келтіру және ұрып-соғу қылмыстық құқықбұзушылыққа жататынын еске салды.