Астанада автобус апатынан 15 адам зардап шегіп, жеті адам ауруханаға жатқызылды (видео)

Астана қалалық қоғамдық денсаулық сақтау басқармасы 21 ақпанда кешкісін автобустың бағанаға соқтығысуы салдарынан зардап шеккендердің жағдайы туралы ақпарат берді, деп хабарлайды KAZ.NUR.KZ ведомствоның баспасөз қызметіне сілтеме жасап.

Астана денсаулық сақтау басқармасының хабарлауынша, 21 ақпанда автобустың бағанаға соқтығысуы салдарынан №1 қалалық көпсалалы ауруханаға 15 адам түскен, оның төртеуіне ота жасау қажет болған.

"Тексеру нәтижесінде дәрігерлердің ұсынысымен 8 адам амбулаторлық ем қабылдауға үйлеріне жіберілді. 7 науқас одан әрі емделу үшін ауруханаға жатқызылды, оның төртеуіне ота жасалды. Науқастардың барлығы дәрігерлердің тұрақты бақылауында, толық көлемде қажетті ем алып жатыр", - деп хабарлады ведомстводан.

Жол апаты Бараев көшесінде болған. Полицейлердің айтуынша, жүргізуші көлікті басқара алмай, автобус бағанға соғылған. Жол апаты кезінде автобуста шамамен 25 жолаушы болған.

Журналист Михаил Козачковтың телеграм-каналында жол апатының видеосы жария болды.

Мәтіннен қате тапсаңыз, бізге жазыңыз