"Үш адам қаза тапты": Абай облысында жантүршігерлік жол апаты болды

Абай облысында жантүршігерлік жол апатынан үш адам көз жұмды. Омбы - Майқапшағай тасжолында қос көлік бетпе-бет соқтығысқан, деп хабарлайды КТК арнасы.

Белгілі болғандай, жол-көлік оқиғасы Омбы - Майқапшағай тасжолында орын алған. Toyota Avensis тізгіндеген 25 жастағы жүргізуші жылдамдықты асырып, қарсы бағытқа шығып кеткен. Тізгінге ие бола алмай, Nissan Serena көлігіне бетпе-бет соқтығысқан.

Жол апатынан екі көлік те қатты зақымдалған.

"Қарсы бағытқа шыққан жүргізуші мен 24 жастағы жолаушы оқиға орнында тілге келместен көз жұмды. Ал 46 жастағы екінші көліктің жүргізушісі жедел жәрдем көлігінде жан тапсырды. Салонда болған тағы екі жолаушы ауруханада жатыр. Полиция қылмыстық іс қозғап, тергеу жүргізіп жатыр", - делінген телеарна материалында.

Дереккөз: КТК.

Мәтіннен қате тапсаңыз, бізге жазыңыз