Ақтөбеде жантүршігерлік апат болды: 5 адам қаза тапты

Ақтөбе облысында жантүршігерлік жол апаты болды. "ВАЗ" автокөлігі мен DAF жүк көлігінің соғылуы салдарынан бес адам қайтыс болды, деп хабарлайды өңірдегі ПД-ға сілтеме жасаған KAZ.NUR.KZ.

Instagram-дағы Аktobe_zello паблигінде Ақтөбе облысындағы тасжолда жол апаты болғаны және салдарынаны бірнеше адам қаза тапқаны туралы ақпарат тарады. Жазбада оқиға орнынан делінген суреттер де жарияланған.

Аталған деректі Ақтөбе облысы полиция департаменті растады.

"Ақтөбе облысында, Байғанин ауданы Қарауылкелді ауылының маңында "ВАЗ" және DAF автокөліктері соқтығысқан. Жол апаты нәтижесінде көлік жүргізушісі мен төрт жолаушы алған жарақаттарынан қайтыс болды.

Бір жолаушы түрлі жарақат алып, Байғанин ауданы орталық аудандық ауруханаға жатқызылды. Жол апаты дерегі бойынша сотқа дейінгі тергеу жүріп жатыр, оқиғаның мән-жайы анықталып жатыр", - делінген ПД хабарламасында.

Мәтіннен қате тапсаңыз, бізге жазыңыз