"Полицейлерден қашқан": Таразда жол апатынан жасөспірім қаза тапты

Таразда жол апатынан жасөспірім қаза тапты. Тағы екі адам ауруханаға жеткізілген, деп хабарлайды "Астана" арнасы.

Полицейлер түнде жол қозғалысы ережесін өрескел бұзған Audi көлігінің жүргізушісін тоқтатуға тырысқан. Алайда жүргізуші оны елемей, қаша жөнеліпті. Жасөспірім тізгіндеген көлік бағанға соғылған. Бір жолаушы сол жерде қайтыс болды. Полиция қылмыстық іс қозғады. Жасөспірімнің ата-анасы да жауапқа тартылады. Ал жарақат алған екі бала дәрігерлердің бақылауында.

"Балалар ауруханасына 16 жастағы екі науқас жеткізілді. Бірінші науқас жеңіл жарақаттар алған, ол тұрғылықты жеріне амбулаторлық бақылауға жіберілді. Екінші науқастың сүйектері сынған, оған ота жасалды, науқастың жағдайы бірқалыпты. Науқас өзінің тиесілі емін алып жатыр, жағдайы тұрақты", - дейді облыстық көпбейінді балалар ауруханасының травматолог дәрігері Демеу Әліпбаев.

Мәтіннен қате тапсаңыз, бізге жазыңыз