Алматының құрылыс базарында жаяу жүргіншіні жүк таситын көлік қағып мерт қылды
Жарияланған күні:
Алматыдағы құрылыс базарында адам өлімі тіркелді. Полиция мәліметінше, 46 жастағы жаяу жүргіншіні жүк таситын көлік қаққан, деп хабарлайды KAZ.NUR.KZ қалалық ПД баспасөз қызметіне сілтеме жасап.
Оқиға Алматы қаласының Алатау ауданында болған.
Алдын ала мәлімет бойынша, "Газель" жүргізушісі құрылыс базарларының бірінде жерасты деңгейімен жүріп бара жатып 1980 жылы туған азаматты қағып кеткен.
Салдарынан 46 жастағы жаяу жүргінші алған дене жарақаттарынан оқиға орнында көз жұмды.
"Аталған дерек бойынша қылмыстық іс қозғалды. Қажетті сараптамалар тағайындалып, оқиғаның мән-жайын жан-жақты, толық әрі объективті анықтауға бағытталған тергеу әрекеттерінің кешені жүргізілуде", - делінген полиция хабарламасында.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/road-accident/2388087-almatynyng-qurylys-bazarynda-zhaiau-zhurginshini-zhuk-tasityn-kolik-qagyp-mert-qyldy/