Щучинск - Бурабай автожолындағы жол апатынан 11 адам зардап шекті
Жарияланған күні:
Щучинск - Бурабай автожолындағы жол-көлік оқиғасы салдарынан 11 адам зардап шекті, деп хабарлайды Ақмола облыстық ПД-ға сілтеме жасаған KAZ.NUR.KZ.
Ведомствоның баспасөз қызметінің мәліметінше, жол-көлік оқиғасы 14 маусымда сағат 13:10 шамасында болған.
Астана - Бурабай бағыты бойынша жүріп, демалушыларды курорттық аймаққа апара жатқан Volvo автобусы қарсы қозғалыс жолағына шығып кетіп, Changan автокөлігімен соқтығысқан, содан кейін ағашқа соғылған.
Жол апаты салдарынан автобустың тоғыз жолаушысы, сондай-ақ Changan көлігіндегі екі адам зардап шеккен. ЖКО фактісі бойынша тексеру жүргізіліп жатыр.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/road-accident/2388615-shuchinsk-burabai-avtozholyndagy-zhol-apatynan-11-adam-zardap-shekti/