Үйіңізге ақша, береке шақырып, сәттілік әкелетін бөлме гүлдерін білесіз бе
Жарияланған күні:
Барлық адамды қалай ақша тапсам, қалай берекемді еселесем деген сауалдар мазалайтыны анық. Әсіресе, ғажайып мереке жаңа жыл қарсаңында бәріміз жақсы өзгерістерді күтеміз. Осы ретте KAZ.NUR.KZ порталы Рамблерге сілтеме жасап үйіңізге сән беріп қана қоймай, берекеңізді де арттыратын бөлме гүлдерін анықтап көрді.

Ақша гүл (жасаңшөп)
Бұл гүлдің ақшаны магнитше тартатын ерекше қабілеті бар. Аталмыш бөлме өсімдігі үйге ақша, байлық әкеліп, мансабыңызда жоғарылауға көмектеседі. Өсімдіктің қасиетін арттыру үшін оны қызыл түсті ыдысқа отырғызып, түбіне тиын тастап қойыңыз.

Драцена
Бұл өсімдік нағыз ғажайыптарды жасайды. Шаңырағыңызға тек қаржылық тұрақтылық қана емес, денсаулық пен берекені ала келеді. Егер оның иесі қаржылық жағдайының жақсы болғанын қаласа, онда гүлдің бес сабағы болуын бақылаған жөн. Одан бөлек өсімдікті оңтүстік-шығысқа, оңтүстікке не шығысқа қарайтындай етіп орналастыру керек.

Лимон ағашы
Ерте заманнан бері бұл бөлме гүлінің сиқырлы күші бар. Лимон ағашы кіріс әкелгенін қаласаңыз, онда оның жапырақтарын күн сайын сүртіп, тазалаған абзал.
Бұл гүл тек ақша емес, сәттілікті де әкеледі. Лимонның қуатын арттыру үшін, оны отырғызған соң пайда болған ақшаның бір бөлігін мұқтаж жандарға беру керек.

Мақаланың түпнұсқасы: https://kaz.nur.kz/esoterics/astrology/1833086-jiizge-aksa-bereke-sakyryp-sttilik-keletin-blme-glderin-bilesiz-be/