Компьютер, теледидар және ноутбук экранын немен және қалай сүрту керек

Қазіргі құрылғылардың экраны ерекше күтімді қажет етеді. Дұрыс тазаламайтын материалдар экранның жабынын зақымдауы мүмкін. Мониторларға қалай дұрыс күтім жасау керек? Материалымызда егжей-тегжейлі тарқатып жаздық.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Компьютер жөндеу маманы Джереми Мерсердің айтуынша, мониторларды тазалау үшін құрылғыны өшіріп, жұмсақ матамен сүртіп, арнайы тазалау құралдарын қолдану керек.
• Үй тазалау маманы Филип Бокса экранды тазалау үшін микрофибрадан жасалған құрғақ майлықты ұсынады, сонымен қатар арнайы спрейлер, дистилденген су және спирт ерітіндісін қолдануға болады.
• PCGamer басылымының авторлары Бо Мур мен Хоуп Корриган қышқыл заттарды, спирт немесе аммиак негізіндегі қоспаларды, қағаз майлықтарды қолданбауға кеңес береді.
  

Мониторларды тазалауға қатысты жалпы ережелер

Мониторды тазалау кезінде негізгі сақтық шараларын сақтау өте маңызды. Бұл экранды зақымданудан сақтап, оның ұзақ қызмет етуіне кепілдік береді. Компьютерді жөндеу маманы Джереми Мерсер мониторларды қауіпсіз тазалау үшін мына кеңестерді ұсынады:

1. Мониторды немесе экранды электр желісінен ажыратыңыз, бұл құрылғыны бұзылып қалудан сақтайды және ластанған жерлерін жақсырақ көруге мүмкіндік береді. Құрылғы ұзақ уақыт жұмыс істеген болса, оның сәл суығанын күтіңіз.
2. Шаң сүрткен кезде жұмсақ, түксіз матаны пайдаланыңыз. Ол сызат қалдырмайды және кірді жақсы тазалайды.
3. Тек экрандарға арналған арнайы тазалау құралдарын қолданыңыз. Өткір химиялық заттардан аулақ болыңыз. Экранның бетін қатты баспай сүртіңіз. Бұл экран жабынын зақымданудан қорғайды.
4. Құрылғының бұрыштарын тазалау үшін аздап ылғалдандырылған мақта таяқшасын немесе жұмсақ тіс щеткасын пайдаланыңыз. Экранның жиегін жақсылап тазалауға болады, бірақ қатты үйкеп сүртуге болмайды.
5. Экранның бетіндегі сулы шүберектен қалған ылғалды сіңіріп алу үшін құрғақ матамен сүртіңіз. Құрылғыны қоспей тұрып оның беті толық құрғағанына көз жеткізіңіз.

Экранды үнемі тазалау оның сыртқы көрінісін және функционалдығын сақтауға көмектеседі, құрылғыны пайдалану процесін ыңғайлы етеді. Тазалауға кіріспес бұрын не істеуге болмайтынын және қандай құралдар мен материалдарды қолдануға болатынын білу өте маңызды.

Қандай материалдарды қолдану керек?

Үй тазалығы бойынша маман Филип Бокса микрофибрадан жасалған құрғақ майлықты қолдану қажет дейді, себебі ол түк қалдырмайды және монитор дисплейінің бетіне зақым келтірмейді.

Экранды тазалау үшін мынадай материалдар мен құралдарды қолдануға болады:

Экранды тазалау үшін қолдануға болатын материалдар:

1. Микрофибра – экранды қауіпсіз тазалауға арналған негізгі материал. Мұндай жұмсақ мата түк қалдырмайды және ылғалды жақсы сіңіреді.
2. Жұмсақ мақта маталарға көзілдірік сүртуге арналған майлықтар жатады. Тек абразивті талшықтары жоқ материалдарды қолдану керек.
3. Мақта таяқшалары экранның қол жетпейтін жерлерін, мысалы бұрыштарын немесе жиектерін тазалау үшін ыңғайлы.
4. Экранға арналған майлықтар ерітіндіге малынған, бір рет қолдануға жарамды.

Тазалау үшін қолдануға болатын құралдар:

• экранға арналған арнайы спрейлер.
• дистилденген су. Базалық тазалауға жарамды, микрофибрамен бірге қолдануға болатын негізгі тазалау құралы.
• су мен изопропил спиртінің ерітіндісі (1:1). құрамы дақтарды тазалау үшін қауіпсіз саналады. Бірақ жоғары концентрациядағы спирттен аулақ болу керек.
• гельді экран тазалағыш құралдар.

Қосымша құралдар:

• ауа баллоны – мата кірмейтін жерлердегі шаңды және ұсақ бөлшектерді тазалау үшін тиімді.
• жұмсақ щетка – экранның бұрыштарын немесе жиегін құрғатып тазалауға арналған.

Қолдануға болмайтын материалдар мен құралдар:

Тыйым салынған құралдар мен материалдар экранның қызмет ету мерзімін қысқартуға әкелуі мүмкін. Ондай заттармен экранды тазалау құрылғының жұмысын нашарлатып, бұзуы мүмкін.

Экранды тазалау кезінде нені пайдалануға болмайды және не істеуге болмайды?

PCGamer басылымының авторлары Бо Мур және Хоуп Корриган ең алдымен күйдіргіш заттарды қолданудан аулақ болу керек деп жазалы. Спирт немесе аммиак негізіндегі тазалағыштарды қолдануға болмайды (мысалы, сұйылтылған медициналық спирт). Бұл заттар экранға зиян келтіруі мүмкін. Сонымен қатар қағаз майлықтармен тазалауға болмайды, себебі олар абразивті болып келеді, яғни экранның бетінде сызық қалдыруы мүмкін. Сол сияқты футболкалар мен басқа да тұрмыстық сүлгілерді де пайдаланбаңыз, себебі ол заттардың құрамында құм, металл бөлшектері болуы ықтимал.

Мына заттарды тазалық жасағанда қолданбаңыз:

• Абразивті маталар;
• Кәдімгі кран суы;
• Металл заттар;
• Ластанған немесе кір, шаңды материалдар;
• Ацетон, еріткіштер, бензин;
• Аммиак немесе әйнек тазалағыш тұрмыстық құралдар;
• 50%-дан жоғары спирт;
• Аэрозольды құралдар.

Тазалайтын сұйықтықты экранға тікелей шашыратпау қажет. Артық сұйықтық экранның бұрыштарына жиналып, кішігірім тесіктер арқылы ішке өтіп, құрылғының ішкі бөлігін бұзуы мүмкін.

• Тазалау кезінде не істеуге болмайтынын ескеріңіз:
• Экранды қатты баспаңыз. Бұл сынған пикселдер туындатуы немесе ЖК-матрицасының деформациясына әкелуі мүмкін.
• Ыстық материалдарды қолданбаңыз. Жылы ылғалды майлықтар экранның бетін зақымдауы мүмкін.
• Құрылғыны қосулы күйде тазаламаңыз. Бұл экранның қызып кетуі салдарынан дақтардың пайда болуына себеп болады.
• Қатты дақтарды тырнақпен тырнамаңыз. Бұл сызаттар қалдырып, экран жабындысын бүлдіреді.

Экранды тазалау ережелерін сақтамау экранның сыртқы көрінісін нашарлатумен қатар, оның функционалдық мүмкіндіктерін де төмендетуі мүмкін. Экранның матрицасы зақымданып, жарық пен кескін сапасының нашарлауы немесе сұйықтықтың құрылғыға түсуінен техникалық ақаулар пайда болуы мүмкін.

Ластанудың алдын алу

Мониторды таза ұстауға арналған бірнеше ереже мен кеңестер бар. Олар экранның ұзақ уақыт бойы таза болуына көмектеседі. Солардың бірнешеуі мыналар:

• Жұмыс орныңызды таза ұстаңыз.
• Экранмен жанасуды шектеңіз, оған қолмен тимеңіз. Антистатикалық пленка, қақпақтар немесе мониторға арналған қаптар сияқты қорғаныш аксессуарларын қолданыңыз.
• Экранды үнемі күтіп ұстаңыз. Монитордың жанында тамақ немесе сусын ішпеңіз, үй жануарларының табаны немесе тұмсығының тимеуін қадағалаңыз.
• Мониторды терезеден алыс жерге қойыңыз, экранды жылу немесе ылғал көзінен қашық ұстаңыз.
• Мониторды пайдаланбайтын уақытта өшіріп қойыңыз.

Бұл қарапайым ережелер экранды таза ұстауға көмектесіп, күрделі тазалауды қажет етпейді.

Экранды тазалау үшін дұрыс материалдар мен құралдарды таңдау ноутбук, компьютер немесе теледидардың сапасы мен ұзақ мерзім жұмыс істеуі үшін маңызды рөл атқарады. Микрофибрадан жасалған жұмсақ мата, арнайы тазалау құралдарын пайдалану және агрессивті заттарды қолданбау экранды сызаттардан, дақтардан және зақымданудан қорғауға көмектеседі.

Тұрақты және ұқыпты тазалық, сондай-ақ алдын алу шараларын сақтау құрылғыңыздың қызмет ету мерзімін ұзартуға және сыртқы көрінісі әдемі етіп сақтауға мүмкіндік береді.