Хан сарайындай үйін "жұмаққа" айналдырған қазақ әйелі туралы не білеміз? (фото)
Жарияланған күні:
Гүлайша Боранованың есімі желідегі көптеген қыз-келіншекке етене таныс. Себебі ол Instagram желісіндегі парақшасын ертегідегідей әсемдікке толтырып, қазақ әйелдерін асхананы сәндеуге үйретуде. Күнде таңертең таңғы аспен бірге үстелін гүлге толтыратын келіншек қазақылығымен жұртты сүйсіндіруде деп хабарлайды NUR.KZ.

Гүлайша - Астанадағы танымал қонақүйдің қожайыны. Кәсібін дөңгелетіп отырған әйел асханасының таза әрі әсем болуына аса көңіл бөледі.

Әр күні әр түрлі бағалы ыдыстарымен дастарханын сәндейтін әйелдің үстелі гүлден босамайды.

Күнде таңертең ол оқырмандарына таңғы асты қалай әзірлегенін көрсетіп, суретін жүктейді.

Гүлайшаның оқырмандары да оның айрықша стилі мен талғамына мән береді. Әйелдің мамандығы - үй интерьерінің дизайнері.

Оның асханасында алтын түстес самауырындар, құран сүрелері жазылған қымбат сервировкалар, бағалы ыдыстар мен қымбат қасықтар самсап тұрады.

Ал оның парақшасына бір кірген әйел тамсанбай шыға алмайтынын жиі жазады.

Ол әсем ас үй жабдықтарын қазақы аспен толтырып, үнемі қазақтың ұлттың тағамдарын жарнамалап жүреді.

Балқаймақ, жаңа піскен бауырсақтар, өзі ойлап тапқан салаттың түрлері, әсіп пен қазы-қарта - оның дастарханының сәніне айналған.


Мақаланың түпнұсқасы: https://kaz.nur.kz/food/recipes/1727831-han-sarajyndaj-jin-zmakka-ajnaldyrgan-kazak-jeli-turaly-ne-bilemiz-foto/