Атырауда 53 жастағы әйелдің жатырынан сегіз келі миома алынды

Опубликовано:

Дәрігер мен науқас
Көрнекі сурет: pixabay.com

Атырау облыстық ауруханасының дәрігерлері науқастың жатырынан 8 келі миома алды. Бұл туралы облыстық коммуникациялар қызметінің баспасөз жиынында белгілі болды, деп жазады Ақ жайық басылымы.

Дәрігерлердің айтуынша, 53 жастағы науқас қабылдау бөлімшесіне келгенде іштің ауырсынуы, жүрек айнуы, құсу, әлсіздік, бас айналу және қан кетуге шағымданған.

Облыстық ауруханадағы гинекология бөлімшесінің меңгерушісі Жанаргүл Бекенованың айтуынша, 53 жастағы әйел қабылдау бөлімшесіне келгенде қатты ауырсыну туралы айтқан.

"Науқастың ішкі ағзасы ауырып тұрды. Жүрегі айнып, құсқан. Ағзасында әлсіздік, бас айналуы байқалды. Жыныс жолынан қан кеткен. Біздің бөлімше дәрігерлері науқасты толық тексеруден өткізді. Науқасқа "Жатырдың алып миомасы. Түйін некрозы, орташа анемия" диагнозы қойылды", - дейді Жанаргүл Бекенова.

Облыстық аурухананың гинекология бөлімшесінің меңгерушісі Жанаргүл Бекенова, гинеколог дәрігерлері Іңкәр Оңдасынова, Мақсат Туганбаев жасаған ота сәтті өтіп, науқас қазіргі уақытта гинекология бөлімшесінде қарқынды ем алуда.

Мақаланың түпнұсқасы: https://kaz.nur.kz/health/2006633-atyrauda-53-zastagy-aieldin-zatyrynan-segiz-keli-mioma-alyndy/