Астанада ДДСҰ делегациясы "Қара жорға" биін биледі
Опубликовано:
Елордада ДДСҰ Еуропалық өңірлік комитетінің делегаттары бой жазу жаттығуы кезінде "Қара жорға" ұлттық биін биледі, деп хабарлайды KAZ.NUR.KZ Денсаулық сақтау министрлігінің Instagram-дағы ресми парақшасына сілтеме жасап.
Денсаулық сақтау министрлігінің желідегі ресми парақшасында жарияланған видеодан конференция кезінде залда отырғандардың барлығы орындарынан тұрып "Қара жорға" биін билеп жатқанан байқауға болады.
Сондай-ақ ДДСҰ делегаттарының да сахнада билеп жатқанын көруге болады.
Денсаулық сақтау министрлігінің ресми сайтындағы мәліметке сүйенсек, осы аптада Астанада медициналық-санитариялық алғашқы көмек жөніндегі жаһандық конференция мен ДДСҰ Еуропалық өңірлік комитетінің 73-ші сессиясы өткен. Іс-шараға ДДСҰ Еуропалық өңірлік комитетіне мүше мемлекеттердің мамандары, сондай-ақ серіктес ұйымдар мен азаматтық қоғам өкілдері қатысқан.
Мақаланың түпнұсқасы: https://kaz.nur.kz/health/2042530-astanada-ddsu-delegaciyasy-qara-zorga-biledi-video/
