Тойдан қайтып бара жатқан ресейлік дәрігер Ақтау бағытындағы ұшақта жолаушының өмірін сақтап қалды

Ресейлік дәрігер "Ақтау-Астана" бағыты бойынша ұшқан ұшақ бортында жолаушыға медициналық көмек көрсетіп, оның өмірін сақтап қалды. Бұл туралы mangystaumedia.kz сайты хабарлайды.

Басылым ақпаратынша, "Ақтау-Астана" бағытындағы ұшақ бортында жолаушылардың бірі өзін жайсыз сезініп, ауырып қалған.

Бортсеріктің өтінішіне Челябинск қаласының тұрғыны, фельдшер Севиндж жауап берген. Ол күйеуімен бірге Ақтаудағы жиенінің үйлену тойынан қайтып бара жатқан.

Куәгерлердің айтуынша, Севиндждің дер кезінде көрсеткен көмегінің арқасында жолаушы Астанаға аман-есен жеткен.

Еске сала кетсек, бұған дейін Екібастұзда оқушылар кәріз құдығына құлап кеткен баланы құтқарып қалған болатын.

Мәтіннен қате тапсаңыз, бізге жазыңыз