"Екеуінің жағдайы аса ауыр": ДСМ ұшақ апатынан зардап шеккендердің жағдайы туралы мәлімет берді

Қазақстан денсаулық сақтау министрлігі 25 желтоқсанда Маңғыстауда ұшақ апатынан зардап шеккендердің жағдайы туралы тың мәлімет таратты. Бұл туралы KAZ.NUR.KZ министрлікке сілтеме жасай отырып хабарлайды.

"Науқастар негізінен бірнеше зақымдармен түсті: мидың жабық жарақаты, мидың шайқалуы, кеуде қуысының жабық жарақаттары, жарақаттан шошып қалу.

26 желтоқсан таңертеңгі мәлімет бойынша, 11 науқас жансақтау бөлімінде, 13 науқас - травматология, 2 науқас - нейрохирургия, ал 1 науқас – хирургия бөлімшесінде ем алды.

Науқастардың жағдайы бойынша: екеуінің жағдайы аса ауыр, 11 науқастың жағдайы ауыр, 14 – орташа ауыр, 2 науқастың шағымы жоқ, жағдайы қанағаттанарлық деп бағаланды.

11 науқастың сегізі өкпені жасанды желдету аппаратына қосылған, дәрі седациясы, тониктер қабылдап жатыр", - деп хабарлады денсаулық сақтау министрлігі.

Бұған дейін хабарланғандай, Астанадан Ақтауға әуе апатынан зардап шеккендерге медициналық көмек көрсету үшін санитариялық авиация ұшағы жіберілген.

Бригада құрамында екі реаниматолог, 4 травматолог, нейрохирург және комбустиолог бар.

Мәтіннен қате тапсаңыз, бізге жазыңыз