Астаналықтар жағалау мен саябақтарда жаппай серуендеуге шықты (фото)

Нұр-Сұлтан тұрғындары үйден шығып, саябақтарда және жағалауларда серуендеуге рұқсат алғаннан кейін көшедегі халық санында шек жоқ. Елорданың демалыс аймақтарының қазіргі келбетін KAZ.NUR.KZ ұсынған фоторепортаждан тамашалаңыздар.

Тыйым алынып тасталған 11 мамыр күні көшеде адам аса көп болған жоқ, алайда бүгінде бос орындық табу қиын, халық тіпті көгалдарға отырып демалуда.

Бұл серуендеуге салынған тыйым алынып тасталғаннан кейінгі алғашқы кеште Есіл жағалауының бейнесі.

Саябақ пен көпірге кіреберісте темір қоршаулар жиналған, олардың үстіне коронавирус қауіптілігі туралы сары плакаттар ілінген.

Тұрғын үй кешені жанындағы алаңдарда барлық орындықтар бос емес.

12 мамырдан бастап астаналық қалаішілік автобустар жолға шығады, сол себепті аялдамалар енді бос қалмайды.

Олай-былай зулап өткен көліктерден қатты музыка естіледі. Әзірге мұндай "музыкалық демалыс" жалғыз "заңды" демалыс болып табылады, өйткені барлық ойын-сауық мекемелері әлі де жабық.

Көшедегі фасфуд сататын дүкендер де жұмыс істемейді. Қала тұрғындары кофе мен тамақты кафеден алады. Кейбір дүкендерде адамдар кезекте тұр.

Сол жағалаудағы Бейбітшілік және келісім сарайының алдындағы саябақ та жанданған.

Әркім табиғат аясындағы еркіндік сәтін, күн батқандағы әдемі бейнені суретке түсіруге тырысады, сол үшін адамдар тұрып, отырып және тіпті өзен қоршауының шетінде жатып алған.

Еске сала кетсек, 11 мамыр күні бүкіл ел аумағындағы төтенше жағдай режимі аяқталған болатын.

Ең маңызды әрі қызықты жаңалықтарды біздің Instagram парақшамыздан оқыңыздар>>

Мәтіннен қате тапсаңыз, бізге жазыңыз