Кезекті антирекорд: елімізде бір тәулікте 2734 адам коронавирус жұқтырды

Денсаулық сақтау министрлігі коронавирусқа қатысты соңғы мәліметтерді жария етті. Оған сәйкес, өткен тәулікте 2734 адамнан COVID-19 инфекциясы анықталған. Олардың 715-і Алматыдан деп хабарлайды coronavirus2020.kz.

Аймақтар бойынша:

Нұр-Сұлтан қаласы - 548,

Алматы қаласы - 715,

Шымкент қаласы - 85,

Ақмола облысы - 99,

Ақтөбе облысы - 166,

Алматы облысы - 369,

Атырау облысы - 146,

Шығыс Қазақстан облысы - 59,

Жамбыл облысы - 39,

Батыс Қазақстан облысы - 130,

Қарағанды облысы - 171,

Қостанай облысы - 32,

Қызылорда облысы - 42,

Маңғыстау облысы - 31,

Павлодар облысы - 37,

Солтүстік Қазақстан облысы - 44,

Түркістан облысы - 21.

Жалпы ел бойынша коронавирус жұқтырғандар саны 266 677-ге жетіп отыр.

Еске салсақ, оңтүстік астанада коронавирус жұқтырған науқастардың саны өсуде. Бұл туралы Алматы қаласының санитарлық-эпидемиологиялық бақылау департаменті мәлім етті.

"Алматыда эпидемиологиялық ахуал нашарлап барады. Пандемия басталғалы бері мегаполисте коронавирус инфекцияның 39 655 жағдайы тіркелді (100 мың тұрғынға шаққанда 1 948,9). Жыл басынан бері 21134 адам індет жұқтырды (100 мың тұрғынға шаққанда 1 038,7), наурызда - 9 525 жағдай тікелсе, 8 сәуірде - 5 057 адамнан індет шықты. Өткен тәулікте 717 алматалықтан коронавирус инфекциясы табылды. Күнделікті өсім 1,8 құрады" , – деп атап өтті департаменттің баспасөз қызметі.

Эпидемиологтардың айтуынша, қазіргі уақытта коронавирустың үшінші толқыны жалғасуда. Бұл мутацияланған штамдарға байланысты болып отыр.

Мәтіннен қате тапсаңыз, бізге жазыңыз