Аллергия тұқым қуалай ма: Отандық дәрігер пікір білдірді

Аллергия атадан балаға беріліп, тұқым қуалауы мүмкін бе деген сауалға Алматыдағы №36 қалалық емхананың ЖТД бөлімінің бастығы Назым Құрманқұлова жауап берді деп хабарлайды KAZ.NUR.KZ.

Жалпы тәжірбие дәрігері Назым Құрманқұлова аллергияның тұқым қуалайтынын немесе жүре пайда болатынын түсіндірді.

"Кез-келген нәрсеге аллергия толық берілмейді, бірақ аллергияға бейімділік тұқым қуалайды", - дейді сарапшы.

Дәрігердің айтуынша, аллергия адамда кез-келген жаста, тіпті бұрын аллергиясы болмаған нәрселерден де пайда болуы мүмкін. Бұл иммундық жүйемен байланысты.

Барлық аллергендер антигендер болып саналады және антигеннің адам ағзасына әсер еткен сайын антиденелер пайда болады.

Денедегі антиденелердің жеткілікті мөлшерінде титр жоғарылайды, содан кейін аллергияның алғашқы белгілері пайда болуы мүмкін.

"Аллергиямен ауыратындардың иммунитеті әлсіз емес. Жай ғана жеткілікті деңгейде жаттықтырылмаған", - деп сөзін жалғады Назым Құрманқұлова.

Дәрігер аллергиямен ауыратындар қарапайым адамдар сияқты төзімді болуы мүмкін екенін жеткізді. Оның сөзінше, аллергия мен инфекцияға қарсы қорғаныс тікелей байланысты емес.

Естеріңізге сала кетейік, осыған дейін Назым Құрманқұлова гүлдену кезеңінде маскалар аллергиядан қорғай ала ма деген сұраққа жауап берген болатын.

Мәтіннен қате тапсаңыз, бізге жазыңыз