"Салмағы 6 келіден асады": Қарағандыда алып бала дүниеге келді

Қарағанды облыстық клиникалық ауруханасының №1 перинаталдық орталығында салмағы 6 200 грамм болатын алып сәби дүниеге келді, деп хабарлайды Қазақпарат.

Агенттіктің жазуынша, алып бала ата-анасына ғана емес дәрігерлер үшін де тосын сый болған.

Белгілі болғандай, әйел перзентханаға толғағы жиілей түскенде жеткізілген. Дәрігерлер сәбидің салмақты болатынын алдын ала пайымдаған.

Себебі, отбасындағы бұған дейінгі бала 4600 грамм салмақпен дүниеге келген.

"Босану асқынусыз болған жоқ, бірақ бригада шұғыл жұмыс істеді. Нәтижесінде, ана мен бала үшін барлығы сәтті аяқталды, дәрігерлер екеуінің де жағдайын қанағаттанарлық деп бағалап отыр", – дейді облыстық клиникалық аурухананың басшылығы.

Айта кетейік, алып сәби отбасындағы үшінші бала.

Мәтіннен қате тапсаңыз, бізге жазыңыз