Еліміздің оңтүстігінде салмағы 7 келідей алып сәби дүниеге келді

Шымкентте салмағы 7 келіге жуық алып сәби дүниеге келді, деп хабарлайды Шымкент қаласының денсаулық сақтау басқармасына сілтеме жасаған KAZ.NUR.KZ.

"Шымкент қалалық №2 аурухана перзентханасында 41 жастағы ана табиғи жолмен, ешқандай асқынусыз салмағы 6700 грамм сәбиді өмірге әкелді. Бұл – елімізде сирек кездесетін жағдай", - делінген хабарламада.

Ұл бала – отбасындағы алтыншы перзент. Көпбалалы ана бұған дейін төрт ұл, бір қызды дүниеге әкелген.

"Қазіргі таңда ананың да, баланың да жағдайы жақсы. Ең таңғаларлығы – алып баланы анасы өзі босанды, ота да, күрделі араласу да қажет болмады", - дейді Шымкент денсаулық сақтау басқармасындағылар.

Жалпы, жыл басынан бері Шымкентте 6719 сәби дүниеге келген. Оның – 3271-і қыз, 3448-і ұл бала.

Мәтіннен қате тапсаңыз, бізге жазыңыз