35 жастағы ақтөбелік келіншек он екінші баласын дүниеге әкелді
Опубликовано:
Ақтөбе облысы Шалқар аудандық перзентханасында 35 жастағы келіншек он екінші баласын дүниеге әкелді, деп хабарлайды Диапазон басылымына сілтеме жасаған KAZ.NUR.KZ.
Басылымның жазуынша, жаңа туған нәрестенің аты – Мұхаммед-Әли. Анасы мен ұлы 27 мамырда перзентханадан үйлеріне шығарылған.
"Жаңа туған ұл баланың салмағы – 3400 грамм, бойы – 55 см. Дүниеге келген кезде және перзентханадан шығаратын уақытта сәбидің жағдайы қанағаттанарлық, ешқандай шағым болмады. Анасымен бірге үшінші тәулікте үйлеріне шықты", - дейді Шалқар аудандық ауруханасының дәрігер-неонатологы Жанна Досова.
Дәрігердің айтуынша, 12 баланың ішінде егіздер де бар.
Естеріңізге сала кетейік, бұған дейін 39 жастағы ақтөбелік ананың он бірінші баласын дүниеге әкелгенін жазған едік.
Сондай-ақ 27 мамырда №66 "Астана – Жезқазған" бағытындағы пойызда қыз бала дүниеге келді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/health/motherhood/2249694-35-zhastagy-aqtobelik-kelinshek-12-balasyn-duniege-akeldi/