Амир, Амин, Айша: Ақтөбеде үшем дүниеге келді

Ақтөбеде Расул мен Полина Саматовтардың отбасында үшем дүниеге келді, деп хабарлайды Ақтөбе облысының әкімдігіне сілтеме жасаған KAZ.NUR.KZ.

Әкімдіктің мәліметінше, сәбилер 30 мамырда Ақтөбе медициналық орталығында дүниеге келген. Оларға Амир, Амин және Айша есімдері берілген.

Медициналық университет кафедрасының профессоры Светлана Шиканованың айтуынша, статистика бойынша ЭКО технологияларынсыз үшемнің дүниеге келуі – сирек кездесетін жағдай.

Десе де Полина Саматованың жүктілік пен босану кезеңі сәтті өткен. Сәбилердің жағдай қанағаттанарлық болған соң перзентханадан шығарылған.

Енді Расул мен Полина Саматов бес баланың ата-анасы. Олардың үшемнен бөлек, бес жасар қызы мен үш жасар ұлы бар.

Жалпы жыл басынан бері Ақтөбе облысында 5255 сәби дүниеге келген. Оның ішінде 51-і – егіздер, ал екеуі – үшем.

Айта кетейік, бұған дейін Ақтөбе облысы Шалқар аудандық перзентханасында 35 жастағы келіншек он екінші баласын дүниеге әкелгенін жазған едік.

Мәтіннен қате тапсаңыз, бізге жазыңыз