Атақты Криштиану Роналдудың хан сарайындай зәулім үйі қандай?

Танымал футболшы Криштиану Роналду алты миллион долларлық хан сарайындай зәулім үйін жұртқа көрсетті. Бұл туралы NUR.KZ порталы deadbees.net сайтына сілтеме жасап хабарлайды.

32 жастағы азаматтың үйі 800 шаршы метрді алады және құны 6,6 миллион долларды құрайды. Үй Мадридке жақын Ла-Финча ауданында орналасқан.

Үйде жеті жатын бөлмесі мен сегіз жуынатын бөлме бар. Сарайды еске салатын үйде балалар бөлмесіне ерекше ден қойылған.

Спортшы үйде модель ғашығы Джорджина Родригеспен және төрт баласымен бірге тұрып жатыр.

Криштиану спорттағы жүлделеріне арнайы бөлме сайлаған.

Футболшы дәл кіреберіске Будда мүсінін қойып, есік тұтқаларына өз есімін ойып жаздырыпты.

Бізбен бөлісер қызықты әрі маңызды жаңалығыңыз болса, NUR.KZ порталының WhatsApp нөміріне жолдаңыз: + 7 747 535 12 98