Қара нәсілді болуды қалаған аққұба қыз адам шошырлық күйге түсті

Германиядағы Трир қаласының 29 жастағы тұрғыны өзін өмір бойы қара нәсілді адам ретінде сезініп келді. Дүниеге аққұба болып келген әйел африкалықтарға қатты ұқсағысы келгені соншалық, тіпті терісінің түсін өзгертуден тайынбаған деп хабарлайды fishki.net сайтына сілтеме жасаған NUR.KZ.

Мартина Биг ұзақ жылдар бойы армандаған отасын бір жыл бұрын істеп, бар болғаны бірер сағат ішінде қара нәсілді ару болып шыға келді. Ол африкалықтарға ұқсау үшін меланин инъекциясын бірнеше мәрте жасатып терісін басқа түске ауыстырған.

Бір жыл бойы қара нәсілді адам кейпінде өмір сүрген 29 жастағы әйел бұл ота әсерінен тек сырт келбеті ғана емес, ішкі жан дүниесі де үлкен өзгеріске ұшырағанын айтты.

Мартина кішкентай кезінен бастап африкалықтарға қатты қызуғышылық білдірген. Өсе келе бұл қызығушылығы үлкен мақсатқа ұласса керек.

Африка мәдениетіне тереңінен үңіліп кеткен ару өміріндегі маңызды шешімді қабылдап, қара нәсілді болуы керектігіне көзі әбден жетті.

Африкалық кейпін жандандыру үшін Мартина шамамен 70 мың доллар қаржысын пластикалық оталарға жұмсады. Мұнысымен тоқтағысы келмейтін де сыңайлы. Оның ендігі мақсаты африкалық бейнесін одан бетер түрлендіру мақсатында ерні мен мұрнына күрделі ота жасау.

Жақын арада Мартина Африка елдеріне саяхаттап барып, аңсаған елдімекенін өз көзімен көріп қайтты. Бұл өңірде әйел өз үйіндегідей әсер алғанын жасырмай айтты.

Мартинаның бұл өзгерісін көбі түсінбегенімен, сүйіктісі үлкен қолдау білдірген. Оның айтуынша, Мартина келбетін ауыстыру арқылы өз ішкі дүниесіне де елеулі өзгеріс әкелген.

Бізбен бөлісер қызықты әрі маңызды жаңалығыңыз болса, NUR.KZ порталының WhatsApp нөміріне жолдаңыз: + 7 747 535 12 98