Өзіне қол жұмсап, өмірімен қош айтысқан модельдерді білесіз бе?

Соңғы сән үлгілерін әлемге паш етіп, журнал мұқабасына түсетін модель қыздар мен жігіттер күйзелістерге бейім келеді. Көпшілігі танымалдылықтың ауыр жүгін еңсере алмай, өмірлерімен қош айтысып жатады. bigpicture.ru сайтына сілтеме жасаған NUR.KZ өздеріне қол жұмсаған модельдерді ұсынады.

Рауда Атиф

2017 жылдың 31 наурызда өзіне қол жұмсаған.

Сән саласында "ең әдемі көздердің" иесі атанған арудың мәйіті студенттер жатақханасындағы бөлмесінен табылған.

Бойжеткенді өмірімен қош айтысуға не итермелегені әлі күнге дейін жұмбақ.

Ресми тергеудің нәтижелеріне қарамастан, 21 жастағы модельдің әкесі қызын өлтіріп кеткен деп ойлайды екен.

Вивека Бабаджи

Үндістандық сән әлемінің жұлдызы 2010 жылдың 25 маусымында өзіне қол жұмсаған.

Модель, болливуд актрисасы Вивека Бабаджи Мумбаидағы пәтерінде өлі күйінде табылыпты.

Модельдің жеке күнделігіндегі жазбалар мен отбасы мүшелерінің жауаптары қайғылы жағдайдың орын алуына бақытсыз махаббат себеп болғанын дәлелдейді.

Бойжеткеннің күнделігіндегі соңғы жазбада: "Гаутам, сен мені өлтірдің..." деп жазылған.

Том Никон

2010 жылдың 18 маусымында қайтыс болған. Томмен болған жағдай әлеуметтік желіде көп талқыланды.

Бозбала Миландағы сән апталығына санаулы күн қалғанда өзіне қол жұмсаған.

Сән апталығында ол Versace, Giorgio Armani және басқа брендтердің киімдерін көрсетуге тиіс болған.

22 жастағы бозбаланың өзіне қол жұмсауына жеке басының мәселелері себеп болған деген болжам бар. Өзіне қол жұмсамай тұрып, жігіт қызымен айырылысқан екен.

Том Никон GQ мен Vogue журналдарына түскен, Донателла Версаче мен Louis Vuitton-ның ерлер киіміне жауапты Ким Джонстың сүйікті моделі, Burberry сән үйінің жүзі болған.

Дол Ким

2009 жылы 19 қараша күні көз жұмған.

Модельдік мансабын 13 жасынан бастаған бойжеткен 20 жасқа жеткенде созылмалы күйзелістен, эмоционалды тұрақсыздықтанн және ұйқысыздықтан жапа шеккен.

Өзіне қол жұмсамас бұрын Дол жақын құрбысына хабарласып, қиналып жүргенін, ары қарай қалай өмір сүретінін білмейтінін хабарлапты.

Дол Кимді "Азиялық Кейт Мосс" деп атаған. Оның мансабы да британдық модельдікі сияқты тым жылдам басталған.

Кейбір табынушылары бойжеткеннің өміріне есімі әсер етті деп ойлайды. Оның есімінің аудармасы "көп қайғы" мағынасын береді екен.

Люси Гордон

Қайтыс болған күні - 20 мамыр, 2009 жыл.

Өзіне қол жұмсауының ресми себебі - жақын досының өзіне қол жұмсауы болған деп жарияланыпты.

90-шы жылдардың соңында және 2000 жылдардың басында Люси Гордон көптеген жарнамаларға түсіп, дизайнерлермен жұмыс істеген. Дизайнерлер оның сол кездердегі сән талаптарына сай келетін келбетін ұнататын.

Люси кино саласында да сұранысқа ие болған. Бойжеткен "Өрмекші адам-3: кескіндегі бейне", "Орыс қуыршақтары", "Төрт қауырсын" фильмдеріне түскен, ал соңғы жұмысы "Генсбур. Бұзақының махаббаты" автобиографиялық драмасында Джейн Биркин рөлі болған.

Руслана Коршунова

2008 жылдың 28 маусымында қайтыс болған.

Руслана Коршунованың қайғылы оқиғасын барша жұрт біледі. 21 жасқа толуына санаулы күн қалғанда бойжеткен Манхэттондағы тоғызыншы қабаттағы пәтерінің терезесінен құлап кеткен.

Руслананың достары мен табынушыларын сол күні ол өзіне қол жұмсады ма, әлде қылмыс орын алды ма деген сұрақ мазалайды.

Қыздың жақындарының айтуынша, оқиғадан бұрын бойжеткен Париждегі көрсетілімге қатысып келген. Руслана бақытты көрінген екен.

Руслананың танымал болуына - ең атақты компания Nina Ricci-дің Nina хош иісінің жарнамасына түсуі себеп болған.

Бойжеткен тұлғалық даму тренингіне қатысқаннан кейін өзіне қол жұмсаған деген болжам бар.

Хэйли Мэри Кол

2008 жылдың 11 қарашада қайтыс болған. Хэйлиді әлемге танылған деп айтуға болмайды. Бірақ 2000 жылдары ол сұранысқа ие модель болған.

Хэйли Мэри Колдың өзіне не себепті қол жұмсағаны белгісіз. Ол журналдың мұқабасына түсіп, сән көрсетіліміне қатысқан. Сондай-ақ, қайғылы оқиғадан бірнеше ай бұрын Миланға көшіп барыпты.

Ол жақта бойжеткен модельдік агенттігімен өте тиімді келісімшартқа қол қойған.

Наташа Дункан

2001 жылдың 23 шілдесінде көз жұмған.

Алғашқы plus-size модельдерінің бірі Наташа Дункан психологиялық ауытқулардан және эмоционалды тұрақсыздықтан жапа шеккен. Бойжеткеннің денесін өзімен бірге тұратын қыз анықтаған.

Марқұмның інісі Наташа өлмей тұрып жігітімен қиындықтар туындағанын айтқан екен.

Марго Хэмингуэй

1996 жылы 1 шілдеде өзіне қол жұмсаған.

70-90 жылдардың танымал моделі және жазушы Эрнест Хэмингуэйдің немересі атасы өмірімен қош айтысқан күннен бір күн бұрын өз өміріне балта шапқан.

Маргоның мансабы оның ұзын бойының және әсерлі келбетінің арқасында сәтті басталған. Қалың, жалпақ қастары Хэмингуэйдің басты мақтанышы болған.

Сұранысқа ие болған қыз модельдік бизнестің барлық қиындықтарын көрген. Әртүрлі диеталар мен жаттығулармен өзін қинап, ақырында тәбетсіздік пен мешкейлікке шалдығып, ішімдік пен тыйым салынған дәрілерге құмартқан.

Марго бірінші болып сол кездер үшін қомақты ақша 1 миллион доллар тапқан.

1975 жылы Time журналы бойжеткеннің суретін мұқабасына жариялап: "Ұрпақ жүзі және Американың ең қалаулы моделі" деп атаған.

Сән саласын бағындырған Марго Хэмингуэй кино әлемінің жұлдызына айналмақ болыпты. Алайда оның қатысуымен жарық көрген бірнеше туындыны сыншылар қатты сынға алған.

Осы саладағы сәтсіздіктер, денсаулығының нашарлауы және екі сәтсіз неке модельдің психологиялық жағдайына әсер етіп, өзіне қол жұмсауына себеп болған.

Дин Барт Петитклерк Марго жайында былай деген: "Ол рухтардың қайта жанданатынына ешқашан сенбейтін. Бірақ Африка шалғындарында Маргоның көздері мен жүрегі бар гепардтың жүргеніне сенімдімін".