Сәнді көйлекпен жекпе-жекке шығатын боливиялық әйелдер жайлы не білеміз?

Боливия мемлекетінде әлемдегі ең қызық жекпе-жектердің бірі "чолитас-реслинг" өтеді. Көлемді көйлектер мен сәнді телпек тиген әйелдер рингке шығып, бір-бірімен күш сынасады. Ал олардың кейбірі тіпті ер азаматтармен күресуге дейін барады деп хабарлайды bigpicture.ru сайтына сілтеме жасаған KAZ.NUR.KZ.

Чолита-реслинг — бұл ескі жекпе-жек пен мексикандық луча-либра күресінің қосындысы. Рингке әйелдер көйлек киіп шығады.

Боливиалық әйелдердің жекпе-жегі қарапайым күрестерден де қызық өтеді. Бұл жерде шоу маңызды рөл атқарады. Аталмыш тартысытың көрермені болу үшін мыңдаған адам алаңға жиналады.

Бұрында "чолита" сөзі боливиалық әйелдер үшін кемсіту болып саналатын. Себебі бұлай тек аралас отбасында дүниеге келген қыздарды атайтын. Қазіргі таңда әйелдер аталмыш сөзге жеңіл қарайтын болған.

Боливиалық әйелдер тері түсіне бола кемсітулерден жапа шегетін. Ал қазір өз-өзіне деген сенімділігін спорттың осы түрі арқылы айғақтап жүр.

Мемлекетте қарапайым реслинг 1950 жылдан бері әйгілі болса, чолита тек соңғы жылдары танымал бола бастады.

Чолита-реслинг тұрмыстық зорлық-зомбылықтан жапа шеккен әйелдерді қолдау идеясынан пайда болды. Олар рингке шығып бар ашу-ызасын сол жерде шығара алды.

Әйелдер жекпе-жегі мереке түрінде өтеді. Музыканттар аспаптарда ойнап, жәрмеңкелер ұйымдастырылып, айналада керемет, көңілді атмосфера орнайды.

Боливиалық әйелдердің киген әдемі көйлектері тек алдамшы сырт келбеттен хабар береді. Нәзік жандылардың ар жағында үлкен батылдық пен қайсарлық жатыр.