Тоғыз айлық қызын арқасына байлап, аңға шығатын ана туралы не білеміз?

Американың Огайо штатының 30 жастағы тұрғыны Ребекка Стивенс садақ атып қана қоймай, тоғыз айлық қызы Изабелланы да жабайы аңдарды өлтіруге үйретіп жүр екен. Сәбиін арқасына байлап, аңшылыққа шығатын Ребекка өзінің сүйікті ісіне қызын да баулығысы келеді деп хабарлайды bigpicture.ru сілтеме жасаған KAZ.NUR.KZ.

Ребекка тоғыз айлық қызын арнайы костюмге киіндіріп, өзімен бірге аң аулауға алып барады.

Ол сегіз жасында алғаш рет әкесімен бірге аң аулауға шыққан. Сол кезден бастап бұл іске ғашық болып қалған.

Ең алғаш рет Ребекка 1999 жылы небәрі 10 жасында өз бетімен аң аулауға шығып көрді. Жылдар бойғы аңшылық кезінде ол бұғы, күркетауық, қояндарды атып алып отырған. Ал оның ең үлкен олжасы - салмағы 90 келіден асқан ақ бұғы болған.

Әйел адам атып алған олжасынан түрлі тағамдар дайындап, үйін безендіреді. Ол өзі өлтірген жануарлардың бәрін барынша пайдалануға тырысады.

2018 жылы қызы Изабелланың дүниеге келуі келіншектің қызығушылығына кедергі бола алмаған. Ол сәбиді дүниеге келе салысымен өзімен бірге алып жүруге тырысқан.

Көпшілік Ребекканың қызығушылығы бала үшін қауіпті екенін алға тартады. Алайда келіншек ондай сөздерге назар аудармайды екен.

Ол өзін бала күнінен аңшылыққа ертіп жүрген әкесіне дән риза. Ребекка бүгінде туған бауырларына қарағанда аңды әлдеқайда жақсырақ аулайды.

Мәтіннен қате тапсаңыз, бізге жазыңыз