40 жылдан бері шашын жумаған ер адам жұртты таңырқатты

Үндістанда 40 жылдан бері шашын кеспек түгілі, жумаған 63 жастағы Сакал Дев Тудду есімді ер адам тұрады. Ол оралған шаштарын Шива құдайдың батасы деп санайды. Бұл туралы 120.su сайтына сілтеме жасаған KAZ.NUR.KZ жазады.

Бір күні Сакал ұйқысынан оянып, шашының бір-бірінен ажырамай қалғанын түсінді.

Алайда, бұл оны ренжіткен жоқ, керісінше - ол шаштарын үнді құдайы Шиваның батасы деп санап, соңғы 40 жыл ішінде шаштарын кеспек түгілі, жууды қажет деп таппаған.

Қазір Сакалдың шашының ұзындығы 1 м 83 см. Ер адам шашы ластанбас үшін, бұрымын тюрбан сияқты орап, матамен байлап қояды екен.

Сакал Дев Тудду шашын ғана керемет деп есептемейді, ол өзін әулие-емші деп санайды. Алыс-жақын маңдағы адамдардың бәрі оның тамаша емші екеніне сенімді.