АҚШ-та екі бойжеткен бір жігітке тұрмысқа шығып, елді таңғалдырды

АҚШ-тың Калифорния штатында екі бойжеткен мен бір жігіттің неке қию рәсімі өтті. Мұндай үйлену тойы тіпті, ғашықтардың туыстарын таңғалдырған деп хабарлайды KAZ.NUR.KZ bigpicture.ru сайтына сілтеме жасап.

35 жастағы Ванесса мен Джимми мектеп күнінен таныс еді. Қос ғашық ұзақ уақыт бойы кездесіп жүрген, алайда кейіннен ару өзінің бисексуал екенін мойындапты.

Джимми сүйіктісінің өзге қыздармен қарым-қатынас құруына қарсы болмаған.

Сөйтіп, біраз уақыт өткеннен кейін Ванесса болашақ күйеуін 25 жастағы сүйіктісі Саммермен таныстырды.

Джимми ғашығының таңдауын құрметтеп, Саммерге олармен бірге тұруға ұсыныс тастайды. Бойжеткен өз кезегінде келісімін беріп, қос ғашықтың шаңырағында өмір сүре бастайды.

Олар уақытын қызықты өткізді, дегенмен көп ұзамай арулар тұрмысқа шыққылары келетінін айтқан.

Осылайша, өткен жылдың көктемінде Джимми екі сүйіктісіне сөз салып, оларға жүрегі мен қолын ұсынды. Тойға ғашықтардың достары мен туыстары келді, алайда Джиммидің ата-анасы ұлының таңдауын құптамай, іс-шараны, тіпті, елемей қойған.

Ал қалыңдық Саммердің ата-анасы тойға қуана-қуана келді. Олар, сонымен қатар, қыздарының бақытты екенін көріп, өздері де полиаморлы некеге тұрғысы келетінін айт.

Әрине, заңды түрде бұл неке тиісті түрде ресімделмеген, себебі Калифорнияда көп әйел алуға рұқсат етілмеген. Десе де, ғашықтар оған мән бермей, өздерін үлкен әрі берік отбасы деп есептейді.

Екі ару да жігіт те болашақта туыстарының олардың некесін қабылдап, оларды түсінеді деген сенімде.

Естеріңізге сала кетейік, ересектерге арналған фильмдерге түскен 14 баланың анасы өткен өмірі жайлы баяндап берген.

Ең маңызды әрі қызықты жаңалықтарды біздің Telegram арнамыздан оқыңыздар!