АҚШ-та алғаш рет үндістің өлім жазасы жүзеге асырылды

Опубликовано:

Соталушы
Фото: 24top.kz

АҚШ-тың Индиана штатында алғаш рет өлім жазасы жүзеге асырылды. Бұл туралы KAZ.NUR.KZ порталы stalingrad.tv сайтына сілтеме жасап хабарлайды.

Терре-Хот қаласының түрмесінде жазасын өтеп жатқан үндіс Лезмонд Митчелл 2001 жылы тоғыз жасар қыз бен оның әжесін өлтіргені үшін кінәлі деп танылған.

Associated Press басылымының мәліметіне сәйкес, ол - федералдық деңгейде өлім жазасына кесілген тұңғыш үндіс азаматы.

Өлім жазасын жүзеге асыруда екпе салу әдісі қолданылған. Жігіттің туыстары мен тайпа өкілдері өлім жазасына қарсы шыққанымен, сот шешімі өзгеріссіз қалды.

Сотталушы
Көрнекі фото: stalingrad.tv

АҚШ Жоғарғы соты бұған дейін 17 жылға созылған өлім жазасын кейінге қалдыру шешімін жойған болатын. Содан кейін бірнеше өлім жазасы жүзеге асырылды. Ұзақ жылдарға созылған үзілістен соң алғаш болып үш адамнан құралған бүтін бір отбасыны өлтірген Дэниэл Льюис Лидің өлім жазасы жүзеге асырылған болатын.

Айта кетсек, 1976 жылдан бері ең ауыр жаза түрін қолданып келетін АҚШ билігі бүгінгі күнге дейін 1,5 мың сотталушыны өлім жазасына кескен.

Бүгінгі таңда АҚШ федералдық түрмелерінде шамамен 60 сотталушы өлім жазасының орындалуын күтіп отыр.

Еске салсақ, бұған дейін АҚШ тұрғыны небәрі 15 минут ішінде миллиардерге айналғанын және АҚШ-та қауіпті "Лаура" дауылы тұрғанын жазған болатынбыз. "Лаура" дауылы қауіптілігі жағынан бес санаттың төртіншісінде тұр.

Мақаланың түпнұсқасы: https://kaz.nur.kz/kaleidoscope/1871531-aks-ta-algas-ret-ndisti-lim-zazasy-zzege-asyryldy/