Аналардың өмірін шынайы бейнелей алған суретші жұрттың жүрегін елжіретті

Норвегиялық суретші ананың өмірін шынайы бейнелей алғанының арқасында жұрттың ерекше сүйіспеншілігіне бөленді. Бұл туралы KAZ.NUR.KZ порталы 4tololo.ru сайтына сілтеме жасап хабарлайды.

Түн ұйқысын төрт бөлген ананың өмірін шынайы бейнелей білу де - ерекше өнер. Себебі, ана атанудың астарында үлкен еңбек пен зор махаббат жатыр. Шыр етіп дүние есігін ашқан нәресте анасының ақ сүтінен нәр алып, аялы алақанында ер жетеді.

Осы орайда, Абель есімді баланың анасы атанған норвегиялық суретші Джейд Нордал аналардың күнделікті орасан зор еңбегі мен сүйіспеншілікке толы тыныс-тіршілігін көрсету мақсатында қолына қылқалам алады.

Әйелдің ана өмірін шынайы көрсеткен суреттері көпшілікті тәнті еткен. Олар бұл суреттерден өз өмірінің бір бөлшегін көргендей болғанын жарыса жазуда.

Жұрттың таңдайын қақтырған суретшінің туындыларын сіздердің назарларыңызға ұсынамыз.

Еске салсақ, бұған дейін біз ерекше әкелік махаббат туралы жазған болатынбыз. Мәселен, жақында Қытайда қызын балабақшаға берген әкенің еңіреп жылаған сәтін көрсеткен видео көпшіліктің қызу талқысына түскен еді.

Одан бөлек, қызына тосынсый жасамақ болған ер адам гелий толы шарлармен әуеге қалықтап ұшып кеткенін жазған едік. АҚШ-тың Нью-Йорк қаласында тұратын 47 жастағы Дэвид Блейн есімді азамат гелий толы шарлардың көмегімен әуеге қалықтап ұшқан. Оның бұл әрекеті әлем назарына іліккен болатын.

Мәтіннен қате тапсаңыз, бізге жазыңыз