Ерекше әдемі көз жанарына ие тайпа әлем жұртшылығының таңдайын қақтырды

Индонезияда тұратын тайпалардың бірі ерекше әдемі көз жанарына ие болудың арқасында әлем жұртшылығының назарына ілікті деп хабарлайды KAZ.NUR.KZ порталы.

Индонезия - ерекше ел. Индонезия архипелагы 17 мыңнан астам аралдан құралған. Бұл жайт оны әлемдегі ең үлкен "арал мемлекетке" айналдырып отыр.

Осындай кішігірім аралдардың көптігінің арқасында Индонезия мәдениеті де сан-алуан ерекшеліктерге бай деп айтуға болады. Себебі, мұнда халқы 700-ден астам тілде сөйлейді.

Кішкентай Бутон аралындағы тайпалардың бірі сирек генетикалық аурудың арқасында ерекше сұлулыққа ие болып отыр.

Ваарденбург синдромы деп аталатын бұл дерт тұрғындардың есту қабілетін нашарлатудың орнына, олардың көз жанарының түсін өзгерткен. Нәтижесінде көздің жауын алар көк түсті жанарға ие болған тайпа өкілдері әлем жұртшылығының таңдайын қақтыруда.

Дерттің салдарынан кей тұрғындардың бір көзі ғана көк түске боялып, гетерохромия белгілері байқалып жатады.

Индонезияның Ява аралынан шыққан геолог және әуесқой фотограф Корчной Пасарибу жерлестерінің таңқаларлық көздерін фотоға түсіріп, суреттермен өзінің Instagram парақшасында бөлісе бастайды.

Бұл синдромға шалдығу мүмкіндігі 42000-нан 1-ді құрайтындығын айта кету керек.

"Мен оларды 2019 жылдан бастап білемін, бірақ оларды суретке түсіруге 2020 жылдың 17 қыркүйегінде бір-ақ бардым. Мен оларды суретке түсіргеніме қуаныштымын", - дейді Пасарибу.

Фотограф сонымен бірге экология мен қоршаған ортаға байланысты бірнеше керемет суреттер түсірді.

Еске салсақ, бұған дейін біз шетелдік БАҚ қазақ жігітінің өзгеше сымбатына тәнті болғанын жазған едік.

Одан бөлек, әлемдегі беделді сән журналы домбырада ойнайтын қазақ қызына таңдай қаққанын хабарлаған болатынбыз.