RU

Әлемдегі ең ұзын шашқа ие жасөспірімді білесіз бе

Ару
Фото: Guinness World Records

Үндістанда әлемдегі ең ұзын шашқа ие жасөспірім Гиннестің рекордтар кітабына енді деп жазады guinnessworldrecords.com.

Алты жасынан бері шашына қайшы жолатпаған Ниланши Патель жасөспірімдер арасында ең ұзын шаштың иесі атанып отыр.

Ару
Фото: guinnessworldrecords.com

Ол соңғы екі жылда өз рекордын екі рет жаңартқан. 2018 жылы оның шашының ұзындығы 170,5 сантиметр болса, 2019 жыды 190 сантметрге дейін өскен. Ал бүгінде Ниланшидің шашының ұзындығы 200 сантиметр.

Ару
Фото: guinnessworldrecords.com

Тамыз айында Ниланши кәмелет жасына толғандықтан, ендігі жерде ол өз рекордын жаңарта алмайды. Десе де 18-ге толмай тұрып жаңартқан рекордтары өзінен шашы әлдеқайда ұзын жасөспірім табылғанға дейін сақталады.

"Мен өзімді бақытты сезінемін. Мен үшін әлемдік рекордшы болу - үлкен жеңіс", - деді ол.
Ару
Фото: guinnessworldrecords.com

Белгілі болғандай, Ниланши алты жасында шаштаразшылардан көңілі қалғандықтан, шашын мүлде қимауды ұйғарған. Ал анасы қызының бұл шешіміне құрметпен қарапты.

Ару
Фото: guinnessworldrecords.com

Бүгінде анасы оның шашын апта сайын жуып, тарауға барынша көмектесіп отырады. Достары аруды ұзын шашы үшін "Рапунцель" атап кеткен екен.

Ару
Фото: guinnessworldrecords.com

Болашақта бойжеткен шашын қия ма, жоқ әлде ересектер арасында рекорд жаңартуға ұмтыла ма, әзірге белгісіз.

Еске салсақ, бұған дейін біз 42 жастағы азамат ерекше ұзын шашымен рекорд орнатқанын хабарлаған едік.

Одан бөлек, 80 жыл ішінде шашын қимаған қария 5 метрлік бұрымының қасиетті екеніне сенетінін жазған болатынбыз.

Мақаланың түпнұсқасы: https://kaz.nur.kz/kaleidoscope/1884826-lemdegi-e-zyn-saska-ie-zasspirimdi-bilesiz-be-foto-video/