Ұшаққа құлай ғашық болған әйел оған тұрмысқа шығатынын мәлімдеді

Германияда тұратын әйел ұшаққа ессіз ғашық болып қалғаны соншалық, оған тұрмысқа шығатынын мәлімдеді деп жазады newsyou.info.

Жүрегін жаулаған Boeing 737-800 ұшағын 2014 жылы Берлиннің Тегель әуежайынан жолықтырған Мишель Кобке оған құлай ғашық болғанын жалпақ жұртқа жария етті.

Әуе кемесіне Шатц деген есім берген Мишель онымен жақын қарым-қатынаста екенін де жасырмады. "Ғашығы" жиі әуеде қалықтап жүретіндіктен, әйел оны сағынбас үшін ұшақтың 1,6 метрлік көшірмесін жасап алыпты.

"Мен "сүйіктіммен" әр кешімді бірге өткізіп, оның бөлшектерімен әр таңымды атырамын. Жақындық - бұл біздің қарым-қатынасымыздың бөлігі", - дейді ол.

Мишель жақын арада Шацқа тұрмысқа шығып, онымен ұшақжайда бірге тұруға ниетті. Мишельдің отбасы оның мұндай оғаш шешіміне еш қарсы емес екен. Себебі, олар Мишель бұрын-соңды осынша бақытты болмағанын алға тартып отыр.

Еске салсақ бұған дейін біз Бразилияда ер адам қалыңдығы оны тастап кеткеннен кейін өзіне өзі үйлене салғанын жазған едік. 350 000 реал (шамамен 28 млн теңгеге) қаражат жұмсалған аста-төк үйлену тойы Баия штатының Итакаре елдімекеніндегі курорттардың бірінде өтіп, оған жігіттің отбасы мүшелері мен жақын достары қатысты.

Одан бөлек, 38 жастағы Ұлыбритания тұрғыны ағашқа тұрмысқа шығуына бір жыл толғанын салтанатты түрде атап өткенін жазған болатынбыз.

Мәтіннен қате тапсаңыз, бізге жазыңыз