RU

Еліміздің бірнеше облысында ауа райына байланысты ескерту жарияланды

Жігіт пен қыз жолдан өтуде
Көрнекі фото: NUR.KZ/Петр Карандашов

Синоптиктер Қазақстанның бес облысында қолайсыз ауа райына байланысты ескерту жариялады деп хабарлайды "Қазгидромет" РМК.

Ауа райын болжаушылар ұсынған ақпаратқа сәйкес, 2 наурызда Қостанай облысының кейбір аумақтарында тұман түсіп, жаяу бұрқасын соғады.

Батыстан, оңтүстік-батыстан жел болып, күндізгі уақытта оның жылдамдығы 15-20 м/с жетуі мүмкін.

Сонымен қатар, синоптиктер 2 наурызда Түркістан облысында тұман түседі деп отыр .

Өңірде батыстан жел соғып, күндіз кей жерлерде оның күші 15-20 м/с жетуі ықтимал.

Шымкентте ертең күндіз батыстан соққан жел 15-20 м/с күшейеді, дейді синоптиктер.

2 наурызда Шығыс Қазақстан облысында да күндіз жаңбыр, қар жауады деп күтілуде. Күндіз кей жерлерде көктайғақ болуы мүмкін. Кей жерлерде жаяу бұрқасын соғуы мүмкін, тұман түседі. Жел оңтүстік-шығыстан оңтүстік-батысқа ауысып, күші кей жерлерде 15-20 м/с жетеді.

Өскеменде ертең күндіз жаңбыр, қар жауады, көктайғақ болады. Жаяу бұрқасын соғуы ықтимал. Жел оңтүстік-шығыстан оңтүстік-батысқа ауысып, түнде екпіні 15-18 м/с жетеді.

Семейде ертең күндіз жаңбыр, қар жауады, көктайғақ болуы мүмкін. Жаяу бұрқасын соғады. Жел оңтүстік-шығыстан оңтүстік-батысқа ауысып, түнде екпіні 15-18 м/с жетеді.

2 наурызда Ақмола облысының кей жерлерінде тұман түсіп, жаяу бұрқасын соғады, көктайғақ болуы мүмкін. Оңтүстік-батыстан жел соғады, күші кей жерлерде 15-20 м/с жетеді.

2 наурыз Батыс Қазақстан облысының кей жерлерінде тұман түсіп, көктайғақ болады. Оңтүстік-батыстан жел соғады, күші күндіз кей жерлерде 15-20 м/с жетеді. Оралда ертең күндіз көктайғақ болуы мүмкін. Оңтүстік-батыстан жел соғады, күндіз екпіні 18 м/с жетеді.

Мақаланың түпнұсқасы: https://kaz.nur.kz/kaleidoscope/1901434-elimizdin-birnese-oblysynda-aua-raiyna-bailanysty-eskertu-zariyalandy/