Стилист 2021 жылдың күзінде қандай киімдер сәнде болатынын айтып берді

Стилист Зарина Аубекерова күзде, әсіресе қыркүйек айында сәнді саналатын киім үлгілерін атады деп жазады Comode.kz.

Деним

Деним деп аталатын қатты мата түрінен тігілген киімдер осы күздің трендіне айналып отыр. Бастысы - түсі қара болуы керек.

Қара денимнен тігілген шалбар, күртеше, комбинезон, көйлек, жейде сәнде болмақ.

Бүрмеленген белдемше

Мұндай белдемшелер осы күзде қайтадан сәнге еніп отыр. Стилист белдемшені жакет, свитер, ұзын жилет немесе футболкамен үйлестіріп киюге кеңес береді. Аяғыңызға кроссовки немесе биік өкшелі туфли кисеңіз болады.

Үшкіл орамал (косынка)

Мұндай орамалдар күзде ғана емес, қыста да сәнде болмақ. Мойныңызға, басыңызға, қолыңызға, тіпті сөмкеңізге тағып қойсаңыз болады.

Жилет

Жылы, әдемі, сәнді. Кез келген киіммен жарасады. Жейдені лонгслив, футболканың сыртынан да кисе болады.

Қара костюм

Сапалы қара костюм ешуақытта сәннен шықпасы анық. Жакет сәнді туфли, кеды, бәтеңке, тіпті, өкшесі жоқ аяқ киіммен де үйлесім табады.

Трикотаж

Онсыз суық мезгілді елестету мүмкін емес. Бала кезіңіздегі шалбар мен жемпірден тұратын трикотаж костюм қайтадан сәнге айналады деп кім ойлаған? Трикотаж костюм сәнді ғана емес, сонымен қатар өте ыңғайлы әрі жылы. Бүгінде дизайнерлерді сұлулық қана емес, жайлылық та ойландыратын болған.

Логомания

Логотипі бар заттарды кию соңғы он жылда сәннен шыққан болатын. Бірақ биыл бәрі өзгерді. Киіміңізде логотиптер неғұрлым көп болса, соғұрлым сәнді болмақ. Көптеген дизайнерлер осы маусымда логотиптермен толықтай безендірілген коллекцияларын ұсынды.

Лаванда түсі

2021 жылдың күзінің ең жарқын тренді. Бұл түстегі киімдер ерекше көңіл-күй сыйлайды.

Резеңке етіктер

Hunter резеңке етіктерін әлемнің әр түкпіріндегі сәнқойлар киіп үлгерді. Осы күзде көптеген брендтің дизайнерлері сәнді және әдемі резеңке етік ұсынды, олар ылғал мен балшықтан қорғап қана қоймайды, сонымен қатар ерекше сәнді көрінеді.

Қара көйлек

Егер сізде әлі де қара көйлек жоқ болса, оны сатып алатын уақыт келді. Бұл-кез келген жерде үйлесім табатын киім. Трендтерді қарап, өзіңіздің ойыңыздан шығатын қара көйлекті тауып, осы күзде оны күртешемен, кардиганмен, кроссовкамен және резеңке етікпен үйлестіріп киіп көріңіз.