RU

«Сәлем саған, Түркістан»: Түркістандықтар баршаңызды өнер фестиваліне шақырады

«Сәлем саған, Түркістан»
Фото: Turkistan Tourism Center

1-7 қараша аралығында Түркістанда "Сәлем саған, Түркістан!" өнер фестивалі өтеді. Бір аптаға созылатын фестиваль аясында көптеген мерекелік іс-шаралар ұйымдастырылмақ. Осы орайда, фестивальді ұйымдастырушылар барша тұрғындарды құрметті қонақ болып, мерекелік көңіл-күйді бірге бөлісуге шақырады.

«Сәлем саған, Түркістан» фестивалі биыл көптеген іс-шараларды қамтып отыр. Атап айтар болсақ, облыстық дәстүрлі әншілердің «Күміс көмей» байқауы өтеді. Дәстүрлі өнерді жалғастырушылардың кеші 1 қарашадан басталады және «Фараб» кітапханасында өтеді.

«Сәлем саған, Түркістан»
Фото: Turkistan Tourism Center

Сондай-ақ, «Тұран даласы» атты бейнероликтер байқауы жарияланып, жеңімпаздар мен жүлдегерлер анықталады.

«Сәлем саған, Түркістан»
Фото: Turkistan Tourism Center

Ал, 3 қарашада мың бұралған бишілерге арналған «Бұраң бел» облыстық би байқауы басталады. Аталған мерекелік кеш «Конгресс холлда» көрермендерді күтеді.

«Сәлем саған, Түркістан»
Фото: Turkistan Tourism Center

Әйгілі күйші Дина Нұрпейісованың 160 жылдығы да шара аясында кеңінен тойланбақ. Дәулескер күйшілердің басын қосатын «Тойбастар» фестивалі 4 қарашаға жоспарланған.

«Сәлем саған, Түркістан»
Фото: Turkistan Tourism Center

5 қарашада Түркістандағы Этноауыл кешені қызыққа толы болмақ. Мұнда ел Тәуелсіздігінің 30 жылдығы және облыстық "Жанубий Қозоғистон" қоғамдық-саяси газетінің мерейтойына арналған аудандар арасындағы облыстық тағамдар байқау басталады.

«Сәлем саған, Түркістан»
Фото: Turkistan Tourism Center

Вокалды аспаптар ансамблінің «Уақыт және әуен» атты облыстық байқауы 6 қараша күні «Фараб» кітапханасының концерт залында ұйымдастырылады.

«Сәлем саған, Түркістан»
Фото: Turkistan Tourism Center

Фестивальдің ең соңғы күнінде Сауран қалашығына қарай асығыңыз. Сол күні бабалардан қалған асыл қазынамыз – қазақтың ұлттық ойындарынан жарыс ұйымдастырылады.

Еліміздің тұрғындары мен қала қонақтарын бір апталық фестивальда асыға күтеміз.

Мақаланың түпнұсқасы: https://kaz.nur.kz/kaleidoscope/1939629-salem-sagan-turkistan-turkistandyqtar-barsanyzdy-oner-festivaline-saqyrady/