Қытайда дизайны ерекше кітап дүкені адамдарды таңғалдыруда

Қытайдың Сычуань провинциясындағы дизайны ерекше кітап дүкені адамдардың назарын өзіне аударды, деп хабарлайды Онлайн халық газеті.

Басылымның хабарлауынша, Сычуань өлкесінің Дуцзянянь қаласындағы "Жуншюгэ" кітап дүкені ерекше дизайнымен адамдарды баурап алуда.

Біраз уақыт бұрын әлемге әйгілі архитектуралық Architizer веб-сайты A+ Awards 2021 жеңімпаздарының тізімін жариялаған. Жеңімпаздар қатарында аталған кітап дүкені де бар.

Басылымның жазуынша, бүгінде "Жуншюгэ" кітап дүкені әлемдегі ең ықпалды сәулет ескерткіштерінің бірі болып саналады және сәулет индустриясында "Оскар" ретінде берілетін кәсіби қазылар алқасының жүлдесін жеңіп алған.

Еске сала кетсек, бұған дейін ұшуға жарамсыз болса да, қонақ үйге айналған ұшақтар туралы жазған едік.

Сонымен қатар ерекше әсерге бөленіп, тыныштықта демалғысы келетіндерге арналған жер астында орналасқан қонақ үйлер туралы хабарлаған болатынбыз.

Мәтіннен қате тапсаңыз, бізге жазыңыз