Top.Mail.Ru

Сайт нұсқасы

ru kz

Зектілері

"200 шақырымды небәрі 4 минутта еңсереді": Испанияда "ұшатын таксилер" қатынай бастады

Опубликовано:

"ұшатын такси"
"Ұшатын такси". Видеодан кадр: "Хабар24"

Испанияда 200 шақырымды небәрі 4 минутта еңсеретін қалааларық әуе көлігі қатынай бастады. Мамандар 5 жыл тер төккен "ұшатын таксилер" туристерге арналып жасалған, деп хабарлайды "Хабар 24" арнасы.

Телерна мәліметінше, "ұшатын таксилер" Испанияның Майорка қаласы мен Ибица аралы арасында қатынай бастаған. Такси-ұшақтардың тағы бір артықшылығы электрден қуат алады яғни қоршаған ортаға зияны аз.

Таксидегі орын саны бесеу, бір жолаушы 710 еуро, шамамен 342 мың теңге төлейді.

"Біз пилоттық жобаны бір ай бойы сынақтан өткіземіз. Егер сұраныс көп болса, такси Испанияның басқа да қалалары арасында қатынайды. Бұл электрлі қозғалтқышпен жүретін тікұшақтардың жаңа буыны", - дейді өндіріс компаниясының бас директоры: Карлос Поведа.

Мамандар "ұшатын таксилерді" интеллектуалдық транспорт түріне жатқызып отыр. Өйткені көлікті құрастыру кезінде аэроғарыштық технологиялар мен инновациялық шешімдер қолданылған.

"Бастапқыда бір ұшақтың салмағы 720 кг еді, ал қуаты небәрі 60 шақырымға ғана жететін. Қазір біз оның салмағын 550 кг-ға дейін түсірдік, нәтижесінде 200 шақырымды оңай еңсере алатын болды", - дейді техникалық директор Хавьер Ромо.

Мақаланың түпнұсқасы: https://kaz.nur.kz/kaleidoscope/2026852-200-saqyrymdy-nebari-4-minutta-enseredi-ispaniyada-usatyn-taksi-qatynai-bastady/