Испанияда ағаштарды құшақтауға тыйым салынды

Испанияның Кабесон-де-ла-Саль қаласының билігі жергілікті ормандағы ағаштарды сақтау үшін туристерге оларды құшақтауға тыйым салды, деп хабарлайды 34Travel басылымы.

Басылым мәліметінше, ағаштарды құшақтағаннан кейін оларға зақым келуде. Бұндай жағдайды болдырмас үшін жергілікті басшылық жоспар құрған.

Жоспардың бірінші кезеңі жүзеге асырылуда. Екінші кезең бойынша туристер ағаштарға жақындамау үшін орманда жаңа жолдар салынады. Сондай-ақ билік орманға кіруді ақылы етуді қарастыруда.

Басылым жазуынша, жыл сайын Кабесон-де-ла-Сальға шамамен 200 000 турист келеді.

Бұл жерде орналасқан орман ерекше қорғалатын табиғи аумаққа жатады. Орман 1940 жылдары жасанды жолмен жасалған, өйткені мұндағы қолдан отырғызылған секвойя ағашы табиғи түрде Солтүстік Америкада ғана өседі.