Шарында Қызыл кітапқа енген сирек кездесетін ұсақ кеміргіш кадрға түсіп қалды

Шарын мемлекеттік ұлттық табиғи паркінің аумағында Қазақстанның Қызыл кітабына енген орман қарақасы кадрға түсіп қалды, деп жазады KAZ.NUR.KZ.

Ұлттық парктің Instagram желісіндегі парақшасында жарияланған мәліметке сүйенсек, орман қарақасын парк қызметкерлері Шарын ерен тоғайының аумағында видеоға түсіріп алған.

Орман қарақасы (Dryomys nitedula) Қазақстанның Қызыл кітабына 3-санат бойынша енгізілген, бұл оның ареалы қысқарып келе жатқан сирек түр екенін білдіреді. Сондай-ақ ол ТМД фаунасында монотипті туыстың жалғыз өкілі болып табылады.

Орман қарақасы – ормандар мен бұталы тоғайларда тіршілік ететін ұсақ кеміргіш.

Қазақстанның Қызыл кітабында ол "Д" санатымен енгізілген – яғни жеткілікті зерттелмеген, жойылып кету қаупі бар түр.

Орман қарақасына төнетін негізгі қауіптер – оның тіршілік ету ортасының бұзылуы, браконьерлік және климаттың өзгеруі.

Халықаралық табиғатты қорғау одағының Қызыл тізімінде де ол сирек түр ретінде көрсетілген. Қазақстанда кейбір қорықтар мен қорықшаларда қорғалады.

Посмотреть эту публикацию в Instagram

Публикация от Чарынский Национальный Парк (@charyn___official)

Мәтіннен қате тапсаңыз, бізге жазыңыз