Әлем елдерінің қалыңдықтары қандай неке көйлегін киетінін білесіз бе?

Неке тойы әрбір қалыңдық үшін ерекше салтанат. Қалыңдықтардың барлығы дерлік неке көйлегіне ерекше мән береді. Алайда кей елдерде қалыңдықтар бізге үйреншікті ақ көйлек емес, ұлттық киім киеді. Вigpicture.ru сайтына сілтеме жасаған KAZ.NUR.KZ назарларыңызға қалыңдықтардың неке көйлектерін ұсынады.

Болгария

Дәстүрлі көйлек киген болгариялық бойжеткен.

Түркия

Түркияда қалыңдық әкесінің үйінен той салтанатына кетпес бұрын, оның ағасы немесе бауыры беліне қызыл бау байлайды. Бұл бау бақыт пен сәттіліктің және пәктіктің нышаны.

Шри-Ланка

Бұл елде қалыңдықтың көйлегінде батыс және шығыс дәстүрлері үлесім тапқан. Мұнда тойға әшекейлермен безендірілген сари мен еуропалық жаулық тағылады. Әшекейлердегі тастар тақ сан болуы тиіс, себебі мұнда тақ сандар бақыт әкеледі деп есептеледі.

Индонезия

Индонезия аралдарының әрқайсысы өз той көйлектерімен ерекшеленеді. Әдетте қалыңдық түрлі-түсті және кестеленіп тігілген ауыр көйлектер киеді.

Пәкістан

Бұл елдің қалыңдықтары тойға қою қызыл, қызғылт, күлгін түсті көйлектер киеді. Қалыңдық пен күйеу жігіт бастарына моншақ пен мақта жіптен жасалған бетперде тағады.

Үндістан

Үндістандық қалыңдықтар дәстүрлі қызыл түсті лехенга-чоли көйлегін киеді. Сондай-ақ Солар Шрингар ережесі бойынша оған басынан аяғына дейін 16 әшекей тағылады.

Нубия

Мұнда қалыңдық басына гүлді орамал, мөлдір перде және бетін жабатын ақ желек тағады.

Эритрея

Мұндағы дәстүрлі тойларда қара түсті барқыттан тігілген тәждер және алтын түсті жіппен кестеленген күлгін түсті көйлек киіледі.

Мәтіннен қате тапсаңыз, бізге жазыңыз