Биыл жаңа оқу жылында студенттердің стипендиясы өседі

Бірінші қыркүйектен бастап университетте оқитын студенттердің стипендиясы 20 пайызға өседі. Бұл туралы президенттің төрағалығымен өткен еліміздің әлеуметтік-экономикалық дамуы жөніндегі кеңесте вице-премьер Алтай Көлгінов айтты, деп хабарлайды Sputnik Қазақстан.

Агенттіктің жазуынша, кеңесте Алтай Көлгінов биыл жаңа оқу жылында жоғары оқу орындары мен колледж студенттерінің стипендиясы өсетінін атап өткен.

"Бірінші қыркүйектен бастап 380 мыңнан астам студенттің шәкіртақысы колледжерде 50 пайызға, университеттерде 20 пайызға артады", - дейді ол.

Айта кетейік, бүгінгі кеңесте сөйлеген сөзінде мемлекет басшысы маңғыстаулық жастардың болашағына қатысты пікір білдіріп, өңір жастарының мұнай саласынан басқа да кәсіптерді игеруіне жағдай жасау қажет екенін айтты.