Жеңілдетілген оқу несиесі мен сараланған гранттар: ЖОО-ға түсу үшін қандай жеңілдіктер қолға алынбақ

Мемлекет басшысы Қасым-Жомарт Тоқаев жоғарғы білім алуға қатысты қандай өзгерістер қолға алынатынын мәлім етті. Айтуынша, бұдан былай жеңілдетілген пайызбен оқу гранттары мен арнайы сараланған гранттар ұсынылмақ, деп хабарлайды KAZ.NUR.KZ.

"Отандық ЖОО-лардың сапасын арттырған сайын оларда оқу құнын да көтеру керек. Сондықтан мемлекет ҰБТ нәтижелері мен өзге де көрсеткіштерге байланысты 30-дан 100 пайызға дейін сараланатын білім гранттарын бөлуді жоспарлап отыр.

2-3 пайыздық жылдық жеңілдетілген мөлшерлемемен оқу несиелері ұсынылмақ. Аталған шаралар жоғарғы білімді анағұрлым қолжетімді етіп, қоғамдағы серіктестік пен өзара жауапкершілікті нығайтады", - деді ол.